ADVERTISEMENT:
Die wenners van Laerskool Messina se jaarlikse fietstoer tussen Bokmakierie en Tshipise. Voor, van links na regs, is Tiaan Naudé, Nathan Greig, Pieter Uys en Luan Esterhuizen. Agter is Diana van Niekerk, Kirsten Nelson, Joné Geyer, Jenita Devdhara, Hanri Bezuidenhout en me. Gill Solomom (organiseerder). Foto verskaf.
Date: 28 August 2015 By: News Correspondent
Daar was op 21 Augustus weer groot opgewondenheid by Laerskool Messina, want dit was weer tyd vir die Graad 7-leerlinge se jaarlikse fietstoer.
Die leerlinge ry met hul fietse vanaf Bokmakierie tot by Tshipise, met die Graad 7-ouers wat die waterpunte beman. Ná die laaste waterpunt volg daar gewoonlik ‘n resies onder die kinders om te bepaal wie eerste in Tshipise aankom. Vir die eerste keer in 34 jaar het dié eer ‘n meisie te beurt geval, met Diana van Niekerk wat eerste eindig. Die daaropvolgende vyf plekke (tweede tot sesde) het gegaan aan Nathan Greig, Joné Geyer, Pieter Uys, Luan Esterhuizen en Kirsten Nelson.
Sjokolade is ook uitgedeel aan fietsryers wat buitegewoon presteer het. Een van hulle was Tiaan Naudé, wat beide se elmboë nerfaf geval het, maar steeds aanhou ry het om uiteindelik algeheel 11de klaar te maak. Jenita Devdhara het die moed gehad om die afstand op ‘n klein pienk fietsie te voltooi vir ‘n algehele 20ste plek, terwyl Handri Bezuidenhout, te midde van siekwees, ook klaar gery het.
Die organiseerder van die wedren, me. Gill Solomon, het na afloop daarvan haar dank uitgespreek teenoor die borge van die dag, naamlik Tshipise Forever Resort (Pieter Erasmus), Howard Knott (vragmotor), “Brood” Smit (wors vir die fietsryers), die Graad 7 ma’s vir die vier waterpunte, Michelle Geyer (eerstehulp), Gloria Lekalakala (Energade), Graad 7 ouers (vrugte, hout, lekkergoed, water, sap, slaai en kontant), Charl Nelson (herstel van fietse), Janetta Uys (water) en al die Graad 7’s wat deelgeneem het. “Sonder julle borgskappe sou die dag nie moontlik gewees het nie,” het Gill gesê.
Viewed: 320
|
Tweet |
Correspondent journalists from all over the region supply us with news and sport articles.
More photos...
ADVERTISEMENT
ADVERTISEMENT:
ADVERTISEMENT