ADVERTISEMENT:

 

 
 

Kathy Lee-Mostert. Foto verskaf.

Vrou erken sy het duisende gesteel

Date: 04 February 2016 By: Isabel Venter

‘n Vrou van Louis Trichardt het verlede week skuldig gepleit op klagte van bedrog wat verband hou met derduisende rande wat sy verduister het.

Kathy-Lee Mostert (30) het verlede Woensdag hier in die Louis Trichardt Streekshof verskyn. Die klagte teen haar hou verband met honderde duisende wat sy by Blouberg Dierekliniek, ‘n plaaslike veeartsenypraktyk, gesteel het terwyl sy daar werksaam was.

Tydens haar eerste borgaansoek in Januarie 2015 het Mostert reeds skuld erken op ‘n bedrag van bykans R60 000 wat sy gesteel het van Blouberg terwyl sy daar as administratiewe beampte werksaam was.

Mostert het met haar borg ook ‘n bedrag van R70 000 in trust terugbetaal aan Blouberg. Daar is toe probeer om die saak buite die hof te skik. Mostert het by monde van haar prokureur, mnr. Charles Pieterse, gesê daar is nog ‘n dispuut oor ‘n verdere R30 000 wat sy skuld en moes betaal.

Dit het tydens ‘n forensiese ondersoek van die Suid-Afrikaanse Polisiediens aan die lig gekom dat die ware bedrag nader aan R700 000 was.

Mostert het verlede Woensdag, net voor haar verhoor sou begin het, ‘n pleitooreenkoms met die Staat aangegaan. Sy het skuld erken op ‘n bedrag van R400 000. Die hof het haar pleit aanvaar en gelas dat sy die R400 000 aan Blouberg moet terugbetaal. Mostert is ook sewe jaar gevangenisstraf opgelê wat geheel opgeskort is vir ‘n tydperk van vyf jaar.

Ná haar skuldigbevinding het Mostert R200 000 oorbetaal aan Blouberg. Sy moet die oorblywende bedrag maandeliks in paaiemente van R10 000 terugbetaal. Indien sy nie in staat is om die maandelikse terugbetalings te doen nie, sal haar gevangenisstraf dadelik in werking tree.

 
 
 

Viewed: 1627

 

 
 

Isabel Venter

Isabel joined the Zoutpansberger and Limpopo Mirror in 2009 as a reporter. She holds a BA Degree in Communication Sciences from the University of South Africa. Her beat is mainly crime and court reporting.

 
 

More photos... 

ADVERTISEMENT

 
 

ADVERTISEMENT:

 
 

ADVERTISEMENT