Levubu Hokkiekliniek

Date: 21 July 2016 By: News Correspondent

Die afgelope skoolvakansie het die vroue van Levubu Hokkie ‘n hokkiekliniek vir alle laerskole in die omgewing aangebied. Tydens die kliniek is kinders tussen O/9 en O/13 gehelp om die basiese vaardighede van die sport baas te raak.

Die kliniek is verlede Vrydag (15de) afgesluit met ‘n intensiewe afrigtingsessie op Hoërskool Louis Trichardt se velde, waarna die kinders Saterdag (16de) die geleentheid gekry om te wys wat hulle geleer het tydens ‘n Hokkie 5’s Toernooi. Leerders is in ses spanne ingedeel, wat elk twee uitspeelwedstryde gespeel het.

Daarna het die wenners teen mekaar gespeel. Die Bulldogs, onder leiding van Pieter Jooste, het teen Lizette Kotzee se Turbo’s te staan gekom, met die Bulldogs wat net-net 2-0 wen. Afgeneem is die kinders wat pryse tydens die kliniek gewen het. Daar was pryse vir beste opkomende spelers, beste junior en senior seun en mei­sie en algehele wenners.

Viewed: 980

News Correspondent

Correspondent journalists from all over the region supply us with news and sport articles. 

More photos... 

Voor, van links na regs, is Leander Kotzee, Xa­vier Kotzee, Bren­dan Bruce, Mia Al­berts en Olivia Venter. In die middel is Allysia Venter, Renske Cilliers, Ian du Plessis, Joné Potgieter en Junior Schoeman. Agter is Meggan Piorek, Renette Schoeman, Stefanie Venter, Albert Swanepoel en Willem-John Phillipson. Foto ver­skaf.