Ella Cameron, welbekende haarkapper van Ell's Haarsalon op Louis Trichardt, het dringende mediese hulp nodig. Haar dogter, Elzandrie Nell, het inisiatief geneem om 'n BackaBuddy veldtog te begin. Ella is aangewese op staatshospitale, omdat sy en haar man, Alex, nie meer 'n mediese fonds het nie.
Die 55-jarige Ella is meer as 'n jaar gelede deur 'n spinnekop gebyt. "Dit het vir 'n tyd lank beter gegaan, maar skielik het die infeksie weer in haar voet en been opgevlam. Ná 'n onl...