‘n Laaste eerbetoon is op 26 April gebring aan sekerlik een van die Soutpansberg-streek se mees legendariese inwoners – die immer geliefde tannie Tina Fisser. Sy is op 15 April oorlede, vermoedelik weens ‘n bloedklont deur die hart, skaars twee maande voor haar 82ste verjaarsdag.
Tannie Tina Fisser, “met ‘n F”, was ‘n algemene manier waarop sy haarself aan ander voorgestel het, en so sal baie haar ook onthou. Sy is gebore in Zambië (Nkana), het in Stellenbosch gematrikuleer en by ...