Inwoners van die Soutpansberg het met hartseer kennis geneem van die skielike dood van mnr. Gert Smit (73), beter bekend as "Klein Gert Smit". Hy is op Dinsdag, 2 September, in die siekeboeg by Ons Tuiste Ouetehuis in Louis Trichardt opgeneem om te herstel van 'n gebreekte enkel, maar is Woensdag, 3 September, skielik oorlede, vermoedelik weens 'n beroerteaanval.
Gert Hendrik Smit is op 10 Augustus 1952 op Elim gebore. Hy het sy laerskoolloopbaan by Laerskool Levubu voltooi en daarna w...