Kersfees is liggietyd, en in Louis Trichardt doen niemand dit waarskynlik beter as Alida en Eddie Liversage nie. Jaarliks omskep hulle hul huis en tuin in 'n kleurespel van liggies, met mense wat van heinde en verre kom om dit te sien.
"Ek glo nog altyd daaraan. Die eerste week van Desember, daardie Vrydag moet die liggies aan," het die 63-jarige Alida gesê. Vanjaar val die eerste Vrydag van Desember op 1 Desember!