Daar het Saterdag, 29 November, weer ’n paar mooi visse uitgekom tydens die NG Kerk Blouberg se visvangkompetisie by die Schroda-dam, Mapungubwe, ter fondsinsameling van die gemeente.
Ten spyte van reën die vorige aand het die dag mooi uitgedraai, maar volgens die organiseerders was die vis maar traag om te byt. Die vis wat wél gebyt het, het die hengelaars opgewonde gehad.
Bradley Warren van Musina se kurper van 2,355 kg het aan hom die eerste prys van R7,500 besorg vir die groot...