Familie en vriende het verlede week met hartseer afskeid geneem van Piet van der Westhuizen van Louis Trichardt. Hy is op 20 Januarie op 70-jarige ouderdom aan kanker oorlede.
Ten tye van sy afsterwe was Piet verbonde aan die Big 5-sekuriteitsmaatskappy in Louis Trichardt. Voor dit was hy bestuurder van die DRS-sekuriteitsmaatskappy in Thohoyandou. In sy jonger dae was hy 'n weermagman met die rang van kolonel tydens sy uittrede. Hy het onder meer diens gedoen by Sektor 20-hoofkwartier...