Dit is lekker nat, maar nie meer nat as gewoonlik nie

Die SA Weerdiens voorspel 'n moontlike La Niña en bo-normale reënval vir die noordoostelike binneland van Desember tot laat somer. Hoewel dit damvlakke kan verbeter, waarsku hulle teen die risiko van plaaslike oorstromings. Boere is tevrede met die huidige reën, alhoewel sommige meen dit is nog nie bo historiese gemiddeldes nie.

Die Suid-Afrikaanse Weerdiens se jongste seisoenale klimaatvoorspelling vir Desember 2025 tot April 2026, soos uitgereik op 30 November, dui daarop dat die huidige neutrale toestand van die El Niño-Suidelike Ossillasie (ENSO) binnekort na ’n swak La Niña kan oorgaan. La Niña bring gewoonlik meer reën oor die noord-oostelike binneland, en die weerdiens voorspel dat hierdie gebiede van Desember tot laat somer ’n verhoogde kans op bo-normale reënval het.

Die verwagte reën kan dam- en reser...