Ruimtevaarder Neil Armstrong, gespeel deur Johannes Joubert, gaan op die maan land as deel van die uitbeelding van die Graad 6’e se tydperk in die operette van Laerskool Louis Trichardt. Saam met hom is die drie hoofkarakters van die operette, Nanny McPhee, gespeel deur Alida du Preez (links), James Bond (Roy Stewart) en Incredible Hulk (Stefan Corbett). Armstorng het sy vlag vergeet, maar word deur Bond uit die penarie gered. Die hoofrolspelers word afgewissel. Sommige aande vertolk Bernice Meiring die rol van Nanny Mc Phee, Heinrich Viljoen is dan James Bond en Ronewa Kudzingana is Incredible Hulk. Die Graad 1’s van Laerskool Louis Trichardt het die Superheroes se wêreld uitgebeeld tydens die skool se operette Ek het gedroom. Professor Chris Barnard (regs), gespeel deur Franco Knoetze, in aksie met gevaarlike toerusting tydens ‘n “hartoorplanting”, bygestaan deur ´n bekommerde suster Pilletjies (Suandrie Corbett). James Bond (Roy Stewart) kry ‘n nuwe hart tydens die Graad 5’s se humoristiese inset met Laerskool Louis Trichardt se operette. Drome kan waar word! Hier bring die skoolhoof, mnr. Louis Linde, heerlike koue koeldrank net nadat die kinders daaroor gedroom het! Hierdie toneeltjie is uit die begin van Laerskool Louis Trichardt se operette Ek het gedroom. TJ Venter van Graad 0 gebruik sy kettie en bekruip met oorgawe tydens Laerskool Louis Trichardt se operette Ek het gedroom. Hy is afgeneem tydens die vertoning vir die senior burgers op 10 Oktober. Shaun Beeten (links) en Melinda van der Westhuizen is die Griekse koning en koningin wat die eerste Olimpiese Spele open tydens die Graad 2’s se oulike uitbeelding van dié tydperk. Die geleentheid was Laerskool Louis Trichardt se operette Ek het gedroom.